Галоўнай гераіняй фільма з'яўляецца Ада Райчонак - жыхарка вёскі Германовічы Шаркаўшчынскага раёна. Сталая жанчына праславілася сваёй краязнаўчай дзейнасцю. У цэнтры ўвагі фільма падрыхтоўка і правядзенне штогадовага мастацкага плэнэру ў Германовічах.
Сталічныя мастакі прыязжаюць у вёску заходняй Віцебшчыны, дзе непасрэдна сутыкаюцца з вясковым жыццём і мясцовымі праблемамі. Нешта з вяскоўцаў радуецца ажыўленню вёскі з візітам сталічных гасцей, нехта з задавальненнем пазіруе, а нехта і выплёсквае на мастакоў сваю злосць з-за таго што ў гэтыя дні памерла карова.
На прэзентацыі фільма будзе прысутнічаць яго аўтар і рэжысёр, стваральнік і дырэктар ліцэю імя Якуба Коласа, Уладзімір Колас. Магчымы і прыезд гераіні фільма Ады Райчонак, але яе прыезд будзе залежаць ад стану здароўя.
Прэзентацыя адбудзецца ў чацьвер 10 красавіка а 17-00 па адрасе вуліца Камсамольская д. 16, кв. 4. Уваход цалкам бясплатны.
