Блогер выклаў у сацсетцы «Укантакте» відэа, у якім зняў зерне, што рассыпаецца на дарозе з Сянно ў Багданава, пракуратура пачала праверку. У выніку атрымалася ўсталяваць, што збожжа перавозіў механізатар аднаго з калгасаў Сенненскага раёна ў самавольна пераробленым на сельгаспрадпрыемстве бункеры ад збожжаўборачнага камбайна. Ён не заўважыў, як на працягу 1,3 кіламетра высыпалася каля 70 кілаграм аўса.
Пракурор Сенненскага раёна даручыў начальніку ўпраўлення сельскай гаспадаркі і харчавання Сенненскага райвыканкама прааналізаваць выяўлены факт безгаспадарчасці і прыцягнуць да адказнасці вінаватых, паведамляе ННВ са спасылкай на прэс-службу абласной пракуратуры.
За рассыпаны авёс пакаралі трох чалавек - на 2 службовыя асобы накладзеныя дысцыплінарныя спагнанні, яшчэ адна асоба прыцягнута да матэрыяльнай адказнасці.
