Мы ўжо пісалі пра гэты інцыдэнт у якім пацярпела 14-гадовая школьніца. Нагадаем, што каля 22 гадзін дзяўчына была збіта легкавіком на вуліцы Наватараў. Праз некалькі гадзін пасля нашай публікацыі, афіцыйную інфармацыю дала і ДАІ. Афіцыйна паведамляецца, што дзяўчынка пераходзіла дарогу па нерэгуляваным пешаходным пераходзе. Па фотаздымках, якія прадстаўленыя дзяржаўтаінспекцыяй у сацыяльнай сетцы "Укантакце" бачна, што гэта пешаходны пераход за былым Домам культуры Ільнокамбінату.
Школьніца атрымала цяжкія траўмы і да гэтае пары знаходзіцца ў рэанімацыі.
