Паводле свежай публічнай зводкі УУС, кожны дзень у рэгіёне адбываюцца дробныя крадзяжы. Гэта пры тым, што ў публічную зводку патрапляюць не ўсе здарэнні па лініі міліцыі.
Так, 9 чэрвеня каля 12 гадзін у прадпрымальніка 1984 года нараджэння проста з прылаўка яго рабочага месца скралі 200 рублёў.
На наступны дзень - 10 чэрвеня - у міліцыю звярнуўся рабочы, які паведаміў, што ў перыяд з 6 па 10 чэрвеня нехта залез у яго дачны дом у вёсцы Ламачына, выставіўшы шкло ў вакне. Злодзей скраў электрадраты і медны дрот на суму ў 107 рублёў. У абодвух выпадках злачынцы пакуль не знойдзены.
Затое ў Лёзненскім раёне злачынцу ўдалося злавіць. Ён зрабіў крадзёж 11 чэрвеня ў перыяд з 10 раніцы па 18 гадзін. Злачынца 1992 года нараджэння скраў у 23-гадовага хлопца 150 рублёў. Супраць маладога злачынцы заведзена крымінальная справа.
А аршанскім міліцыянтам удалося знайсці злачынцу, які ўчыніў крадзёж яшчэ ў перяд з 14 па 15 мая. Тады быў скрадзены ровар "Стэлс" з аднаго з інтэрнатаў горада. Крадзёж учыніў мужчына 1983 года нараджэння.
