Зводка УУС паведамляе пра незвычайна моцнага зборшчыка чорных металаў. У Лёзненскім раёне гэты пакуль не знойдзены вор-металіст змог са двара мясцовага жыхара вынесці рэсору ад Камаза, чугунны люк і рознага іншага лома чорнага металу на суму ў 2010 рублёў. Варта адзначыць, што адна толькі рэсора ад гэтага грузавіка важыць каля 100 кілаграмаў. Зайздросная сіла і працалюбства, калі вор працаваў адзін.
Адбыліся ў рэгіёне і іншыя крадзяжы. Так, з 2 па 3 ліпеня невядомы з прыватнага дома ў аршанскім раёне выцягнуў бензапілу, бензакасу, мікрахвалёвую печ, сецявы фільтар і металічныя трубы на суму ў 350 рублёў. У дом сваёй ахвяры ён патрапіў разбіўшы вакно.
Яшчэ пра адзін, пра які распавядае зводка, адбыўся ў Дубровенскім раёне. Тут дзень вызвалення Мінску жанчына 1977 года нараджэння адзначала яшчэ і 4 ліпеня. У выніку такога зацягнуўшагася святкавання яе безпрацоўны субутэльнік скраў у жанчыны мабільны тэлефон ацэначным коштам у 390 рублёў.
