28 ліпеня каля 19-05 недалёка ад вёскі Савішчына перакуліўся рэйсавы аўтобус Орша-Гразіўка. Фотаздымкі аварыі наш сайт публікаваў раней. Сваю версію і меркаванні аб тым, што адбылося выказалі ДАІ і адна з жанчын.
- 56-гадовы кіроўца не ўлічыў асаблівасці, стан транспартнага сродку і дарожныя ўмовы, з'ехаў з праезнай часткі ў правы кювет і перакуліўся. У аўтобусе было 12 пасажыраў, пацярпела 54-гадовая жанчына, - распавёў «КП» начальнік аддзялення агітацыі і прапаганды УДАІ УУС Віцебска Аляксандр Казючыц.
Аўтобус, згодна з папярэднімі дадзенымі, быў спраўны. Праблема, хутчэй за ўсё, у дрэннай дарозе. Якраз пра яе сказала пацярпелая ў аварыі Алена.
- Вы б паглядзелі на яе, сапраўдная «пральная дошка», яма на яме! Яе ўсе бокам аб'язджаюць. На асабістым транспарце без асаблівай патрэбы там ніхто не паедзе.
