Новыя здарэнні ў рэгіёнах, што знаходзяцца па суседстве з Аршаншчынай. У Дубровенскім раёне ў міліцыю звярнуўся жыхар аграгарадка Асінторф, непрацуючы 1998 года нараджэння. Ён паведаміў, што з сумкі, якую ён паставіў на лаўку каля дома, зніклі 4 тысячы расейскіх рублёў і 3 рублі 25 капеек беларускіх. Здарылася гэта з 23 да 00 гадзін. Міліцыя ўстанавіла, што крадзеж здзейсніў рабочы прадпрыемства 1993 года нараджэння. Пачата крымінальная справа, паведамляе сайт УУС.
А зводка МНС паведамляе, што ў горадзе Сянно на вуліцы Авіяцыйнай у 13:47 у аўторак гарэў дом, які належыць грамадзянцы 1946 года нараджэння. Агонь пашкодзіў сцяну. Прычыны, па якіх узнік пажар, устанаўліваюцца.
