У абодвух выпадках гаспадары пакінулі свае рэчы без нагляду, чым і скарысталіся зламыснікі. Так, у Дубровенскім раёне пенсіянер пакінуў без нагляду сваю торбу. За 45 хвілін пакуль ён не звяртаў увагі на свае рэчы, ім "прырабілі ногі". А ў торбе былі: гаманец з 240 рублямі, мабільны тэлефон "Тэксэт" і ліхтарык. Агулам усе рэчы ацэненыя ў 600 рублёў. Зламыснік знойдзены - ім аказаўся рабочы 1990 года нараджэння супраць якога цяпер заведзена крымінальная справа.
У другім выпадку ахвярай крадзяжу стала маладая маці. Яна пакінула дзіцячы вазок без нагляду. Бываюць выпадкі, што і сам вазок становіцца аб'ектам інтарэсу злачынцаў, а тут жанчына ў вазку акрамя ўсяго пакінула яшчэ і грошы з пашпартам. Злачынцу дасталіся ў выніку і грошы ў 690 рублёў і пашпарт. Заведзена крымінальная справа, але злачынца пакуль не знойдзены.
А зваодка рэспубліканскай міліцыі паведамляе пра чарговае выяўленне ў Оршы фальшывых грошай.
