У Аршанскім раёне ўсё яшчэ працягваюцца пошукі пенсіянера Мікалая Фёдаравіча Ларчанка, які пайшоў у лес і не вярнуўся дамоў. Па нашых звестках, міліцыя ўжо спрабавала шукаць Мікалая Фёдаравіча ў бліжэйшых вадаёмах, але таксама безвынікова.
А пашуковы атрад "Анёл" ужо паведамляе пра яшчэ адно знікненне пажылога чалавека. На гэты раз у вышук абвешчана Кабешава Надзея Паўлаўна з суседняга Горацкага раёна. Надзея Паўлаўна нарадзілася ў 1947 годзе, жыла ў вёсцы Маслакі Горацкага раёна. Яшчэ 13 верасня яна сыйшла з дому, магчыма, за грыбамі ў лес і да гэтае пары пра яе месцазнаходжанне нічога не вядома.
Прыкметы: рост 156-160 сантыметраў, худая, вочы карыя, валасы сярэдняй даўжыні цёмныя з сівізной, носіць акуляры. Была апранутая: хустка бардовага колеру, байка блакітная, штаны чорныя, боты гумавыя сінія. Верагодна мела пры сабе кошык.
Тых хто ведае што-небудзь пра магчымае месцазнаходжанне жанчыны, просяць адгукнуцца па тэлефонах: 7733 (мабільны для ўсіх аператараў), +375-336666856, +375-33-6666033 або 102 у бліжэйшы аддзел міліцыі.
