Рэгіён, Здарэнні

Абагнаў воз і разбіўся

29.09.2018 21:01

5706 праглядаў, 0 каментароў

У Антонаўцы кіроўца легкавога аўто неабачліва абагнаў воз і ўрэзаўся ў сустрэчную машыну.

26-га верасня на Аршаншчыне ледзь не адбылася трагедыя са смяротным зыходам. Каля 20 гадзін 30 хвілін на 179-м кіламетры аўтадарогі «М-8 Віцебск-Гомель-мяжа Украіны, што праходзіць праз Антонаўку Аршанскага раёна, 43-гадовы кіроўца за стырном аўтамабіля «Мэрсэдэс-Бенц Спрынтар», рухаючыся ў напрамку Віцебска з боку Магілёва, здзейсніў неабачліва аб'езд коннага воза. Ён выехаў на сустрэчную паласу руху, дзе здзейсніў лабавое сутыкненне з аўтамабілем «Аўдзі А6», які рухаўся ў сустрэчным напрамку. "Аўдзі" кіраваў 24-гадовы мужчына. У выніку ДТЗ тры пасажыры аўтамабіля «Мэрсэдэс-Бенц Спрынтар» шпіталізаваны ў бальніцу з цялеснымі пашкоджаннямі рознай ступені цяжкасці.