Гурт "Тарас на Парнасе" імкліва набірае папулярнасць. Цяпер ён вядомы не толькі аршанцам, але і на ўсю Беларусь. Паступова музыкі пашыраюць сваю творчасць і на замежжа. Два месяцы калектыў трымаецца ў дастаткова моцным хіт-парадзе беларускай музыкі. Цяпер каманда блізкая да таго, каб на яшчэ большы час застацца ў гэтым чарце, які называецца "Шчаслівая Трынаццатка" і выходзіць штотыдня на Радыё Рацыя, якое вяшчае на Беларусь і Польшчу. Акрамя таго, "Тарас на Парнасе" за мінулы тыдзень падняўся з 9-га радка на 8-е месца.
Напярэдадні, 9-га лістапада "Тарас на Парнасе" разам з "Пані Хідай" і "Doytra" выступіў у Оршы на рок-канцэрце. Наш сайт зрабіў з канцэрту рэпартаж.
