"Экамол" з Аршанскага раёна не здолеў выйсці ў вышэйшую лігу чэмпіянату Беларусі па міні-футболе. Фінальны этап каманда пачынала на першым месцы, лідзіравала яна з улікам першага этапу, на якім набрала больш балаў за супернікаў.
Аднак вырашальныя матчы былі праведзены нестабільна, у выніку чаго "Экамол" апусціўся на 4-ю пазіцыю, якая не дае права выхаду ў вышэйшую лігу. А перамогу ў 1-й лізе атрымаў гомельскі клуб СМП-354. "МКК-Рагачоў" заняў 2-ю пазіцыю, 3-мі былі "Горкі".
Пазітыў можна знайсці ў табліцы бамбардзіраў. Гулец "Экамола" Павел Хоміч, вядомы таксама па ранейшых выступах за футбольны клуб "Орша", забіў 42 мячы і стаў лепшым бамбардзірам лігі. Яшчэ адзін экс-футбаліст "Оршы" Андрэй Скарацін забіў за "Экамол" 17 галоў і стаў 2-м снайперам каманды.
оооооо
спасибо ребятам за сезон.