Мікола Купава, Андрэй Мельнікаў і Аляксандар Жучкоў першай справай наведалі само Крапівенскае поле, а ўжо пасля вярнуліся ў горад для сустрэчы з аршанцамі.
У асноўным размова ішла пра работу аргкамітэта: што ўжо зроблена і што плануецца яшчэ зрабіць. Сярод ужо зробленага было адзначана выданне сувенірнай прадукцыі у выглядзе паштовак да юбілею, намер Нацыянальнага Банку выдаць юбілейную манету ў гонар Астрожскага і перайменаванне адной з вуліцаў Мінска ў гонар Астрожскіх.
Сярод таго што плануецца: прапановы па перайменаванні вуліцаў да ўлады, арганізацыя раскопак як на Крапівенскім полі, так і ў рэках Днепр і Крапіўна, арганізацыя тэматычных выставаў, пряцяг выпуску сувенірнай прадукцыі, запуск сайту прысвечанага Бітве, наладжванне турыстычных вандровак, правядзенне канферэнцыяў, канцэрты і фестывалі ў гарадах найбольш звязаных з Бітвай (Брэст, Гродна, Барысаў, Орша і г.д.), запуск спец.праэкта на тэлеканале Белсат, пасля святкаванні выставы за мяжой, Устаноўка помніку ў Гайне - тут былі могілкі некалькіх рыцараў загінулых на Бітве. Кропку ў гадавым святкаванні плануецца паставіць у Вільні 5 снежня вялікім агульнагарадскім святкаваннем, якое арганізуе беларуская дыяспара разам з уладамі Літвы, бо менавіта 5 снежня Астрожскі як пераможца трыюмфальна ўехаў у сталіцы Вялікага княства.
Пры гэтым, Аляксандар Жучкоў падкрэсліў, што ніхто не абмяжоўвае ініцыятывы і святкаванне шмат у чым будзе паспяховым дзякуючы ініцыятывам на месцы. Адна такая ініцыятыва з'явілася адразу. Адзін з прысутных прапанаваў арганізаваць вела-прабег па мясцінах звязаных з Бітвай. Пры чым тут жа з'явіліся і варыянты маршрутаў: ад Оршы да Гацькаўшчыны, або ад Барысава, або ад Гродна і Брэста з пазнейшым аб'яднаннем двух групаў.
Апошнім на сустрэчы слова ўзяў Андрэй Мельнікаў, ён прапанаваў не пазбягаць чужых напрацовак, якія ўжо раскручаныя як візуальныя сімвалы. У прыватнасці, ён прапанаваў у пэўных стылістычных канцэпцыях выкарыстоўваць для візуалізацыі Бітвы пад Оршай "Георгіеўскую стужку" і адаптаваныя лозунгі украінскай рэвалюцыі.
Скончылася сустрэча выкананнем Андрэем Мельнікавым песні народнай, але адаптаванай песні прысвечанай Бітве пад Оршай.
