Юная чытачка Марына, прозвішча якой не паведамляецца, выйграла конкурс, арганізаваны часопісам "Вясёлка". Яна правільна адказала на ўсе пытанні галоўнага рэдактара Уладзіміра Ліпскага і атрымае за гэта кнігу “Сакрэты колераў вясёлкі” за яго подпісам. А вось пытанні і адказы конкурсу для маленькіх чытачоў часопіса:
Без чаго нішто не існуе ва ўсім свеце? – Без “О”
У якой вадзе не водзіцца рыба? – У намаляванай
Якая рэчка працякае ў роце? – Дзісна
Калі ў людзей бывае столькі ног, колькі дзён у годзе? – 2 студзеня
Калі чорнай кошцы лёгка прайсці ў хату? – Калі дзверы адчынены
Чаму сабака брэша? – Таму што мяўкаць не ўмее
Што будзе пасля сямі гадоў? – Пойдзе восьмы
Чаго не стамляешся ўсё жыццё рабіць? – Дыхаць
Чым заканчваецца дзень? – Мяккім знакам
Што робіць вартаўнік, калі ў яго на шапцы сядзіць верабей? – Спіць
