На свяце, якое будзе адзначацца ў Магілёве, мясцовыя яўрэі атрымаюць новыя веды па гісторыі сваёй абшчыны на Магілёўшчыне. Таксама ўдзельнікі свята з ліку яўрэйскай моладзі і чальцоў Сямейнага клубу пазнаёмяцца з яўрэйскай гісторыяй Оршы.
Пра гэта заявіла Іда Шэндэровіч - гіторык і каардынатар абшчынных праграмаў. Яна адзначыла, што ўдзельнікі свята будуць не толькі распальваць вогнішча ў лесе ды страляць з луку - маршрут будзе распланаваны ў адпаведнасці з гісторыяй яўрэйскай Магілёўшчыны.
Свята Лаг ба-Амэр - пераходнае. Яно адзначаецца ў сувязі з тым, што ў гэты дзень скончылі паміраць 24 тысячы вучняў Раббі Аківы - арганізатара сістэматызацыі Вуснай Торы. Увечары святочнага дня пасля заходу сонца прынята выязджаць у лес і распальваць вогнішчы ў гонар раббі Шымона бар Ёхая. Дзецям, якім споўнілася 3 гады, робяць традыцыйнае зрэзванне валасоў (халаке) на гары Мерон. Прынята таксама гуляць з лукам і стрэламі. Сёлета свята прыпадае на ноч з 17 на 18 траўня.
