Рэгіён, Спорт

Гучная параза ў Гарадку

15.07.2019 19:11

4389 праглядаў, 0 каментароў

Аршанскі «Мясакамбінат» з пераменным поспехам правёў два матчы чэмпіянату вобласці.

Працягваецца чэмпіянат Віцебскай вобласці па футболе. Напярэдадні аршанскі «Мясакамбінат» правёў два матчы за два дні. Спачатку на стадыёне «Лакаматыў» аршанцы перамаглі «Чашнікі» 3:2, галы забілі Рымкевіч, Гарбенка і Швядко. Пры гэтым Алег Рымкевіч не рэалізаваў пенальці.

Але ўжо на наступны дзень, 14-га ліпеня аршанцы паехалі ў Гарадок і прайгралі там «Детскосельскому» 0:4. Не хапіла сілаў гуляць два дні запар і даць бой аднаму з лідэраў абласнога футболу.

Таксама адзначым і вынікі матчаў каманд з Талачына, Сянна і Дуброўны, адкуль у Orsha.eu шмат чытачоў. 14-га ліпеня на стадыёне «Алімпіец» Дуброўны мясцовы «Дняпро» прымаў «Сянно». За дубровенцаў адзначыліся Шымчык, Базук і Тураў, а за сенненцаў забілі Алейнікаў і Адзіночанка. «Дняпро» перамог 3:2. На фота менавіта момант з гэтага матчу, аўтар Арцём Жалязняк.