Украінская кампанія «Матор Січ» запускае рэйс з Мінска ў Дніпро (колішні Днепрапятроўск) на час рамонту ў аэрапорце Запарожжа, куды раней ажыццяўляла палёты кампанія. Цана на квіткі ад 98 еўра ў адзін бок, ад 187 еўра ў абодва бакі. Як паказана на сайце «Матор Січ», рэйсы будуць выконвацца па серадах, пятніцах, нядзелях. Вылет з Дняпра а 8.30, прыбыццё ў Менск а 10.45; вылет з Менску а 15.00, прыбыццё ў Дніпро (колішні Днепрапятроўск) у 17.15.
Аднак рэйс да Дніпра будзе выкарыстоўвацца нядоўга. У аэрапорце Запарожжа з 2 верасня па 13 кастрычніка рамантуюць узлётна-пасадачную паласу. Па заканчэнні рамонту адтуль павінны аднавіцца рэйсы ў Менск. Такім чынам, маршрут Менск — Дніпро праіснуе толькі 1,5 месяцы. Але затым будзе магчымасць пералётаў у Запарожжа. Праўда, кошты на палёты зусім не бюджэтныя. У Беларусі дагэтуль адсутнічае свая кампанія танных пералётаў, так званы "лоўкостэр". У выніку пералёты з Будапешта ў Кутаісі, якія адбываюцца на значна большую адлегласць і, адпаведна, займаюць больш часу, часта бываюць значна таннейшымі, чым пералёты з Менску да Запарожжа. Ва Украіне кампаніі бюджэтных авіяпералётаў існуюць, аднак "Матор Січ" не ўваходзіць у іх пералік. Для стандартнага прыбытку ва Украіне ці ў Беларусі такія пералёты з'яўляюцца даволі дарагімі.
У тэму:
