У абодвух выпадках сітуацыя развівалася як пад капірку. Дзяўчыны атрымлівалі ў сацыяльнай сетцы паведамленне ад сяброў, дзе тыя прасілі даслаць дадзеныя аб банкаўскіх картках. На іх знаёмыя нібыта павінны былі пераслаць студэнткам грошы. І ў першым, і ў другім эпізодзе абедзве пацярпелыя не сталі звязвацца са знаёмымі па тэлефоне, а далі ашуканцам ўсе дадзеныя. У выніку адна з аршанак пазбавілася 76 рублёў, а другая 446. Зразумеўшы, што іх падманулі, дзяўчыны звярнуліся па дапамогу ў міліцыю. Тая прыступіла да пошукаў злачынцаў, якія здзейснілі махлярскія дзеянні. І не факт, што гэта толькі два эпізоды на іх крымінальным шляху.

УУС Віцебскага аблвыканкама нагадвае, каб не страціць свае грошы, выконвайце простыя правілы:

- для бяспекі ў сацсетках выкарыстоўвайце складаныя паролі, наладзьце апавяшчэнне аб падазроных ўваходах у рахунак з дапамогай SMS ці электроннай пошты, выкарыстоўвайце двухфактарную аўтэнтыфікацыю;

- з недаверам стаўцеся да паведамленняў ад знаёмых з просьбай прадаставіць рэквізіты карты альбо ажыццявіць плацёж, пераканайцеся ў асобы суразмоўцы, напрыклад, патэлефанаваўшы яму;

- наладзьце тэхналогію забеспячэння дадатковай бяспекі плацяжоў: 3D Secure, «Інтэрнэт-пароль» і інш.;

- не перадавайце карту, ПІН-код і яе рэквізіты трэцім асобам;

- пры выяўленні страты карткі адразу ж звязвайцеся з абслуговым банкам і блакуйце ўсе аперацыі.