1896 г., 20 мая Праўленнем “Таварыства Браты Нобель” быў заключаны дагавор на арэнду зямлі ў горадзе Оршы для ўладкавання склада, дзе збіраліся захоўваць “газу (па – руску - керосин) і іншыя прадметы нафтавай вытворчасці і ўсялякага роду маёмасць”.

Рэкламны праспект “Таварыства Братоў Нобель”. Пачатак ХХ ст.

1896 г., 19 ліпеня Нарадзіўся Андрус Дабулявічус (былы маёнтак Паравеяй Біржайскага р-на, Літва), літоўскі паэт, публіцыст, сябра літоўскай секцыі СП Беларусі (1935). У 1927-28 гг. сакратар Аршанскага акруговага камітэта КП(б)Б. Рэпрэсіраваны. Расстраляны 20 чэрвеня 1938 г. Рэабілітаваны ў 1957 г.

1896 г. Расійскі ўрад выкупіў у нашчадкаў А. Варшаўскага і іншых акцыянераў Маскоўска-Брэсцкую чыгунку, якая да гэтага часу кіравалася не вельмі добра і мела вялікія даўгі.

Уніформа чыгуначнікаў. Канец ХІХ – пач. ХХ ст.

Паравоз серыі В.20 Маскоўска-Брэсцкай чыгункі. Макет.

Чыгуначны вакзал у Оршы. Фота канца ХІХ ст.

1896 г., 5 (17) лістапада У Оршы нарадзіўся Леў Сямёнавіч Выгоцкі, савецкі псіхолаг і педагог. Заснавальнік Інстытута дэфекталогіі ў Маскве. Памёр 11 чэрвеня 1934 г.

Л.С. Выгоцкі.

1896 г., 19 лістапада (1 снежня) Нарадзіўся Георгій Канстанцінавіч Жукаў (с. Стралкоўка Малаяраславецкага пав. Калужскай губ., цяпер Жукаўскі р-н Калужскай вобл., Расія), савецкі ваенны і дзяржаўны дзеяч, Маршал Савецкага Саюза (1943), чатыры разы Герой Савецкага Саюза (1939, 1944, 1945, 1956). Удзельнік Першай сустветнай, грамадзянскай і Вялікай Айчыннай войнаў. Падчас ваеннай службы ў Беларусі (1920-1930-я гг.) неаднаразова наведваў Оршу. Памёр 18 чэрвеня 1974 г.

Г.К. Жукаў.

1896 г., 11 мая Нарадзіўся Кірыла Якаўлевіч Баўлін (с. Пустынь Пензенскай вобласці, Расія). Удзельні Першай сусветнай і грамадзянскай войнаў. У 1917-1918 гадах – памочнік камандзіра Аршанскага чырвонагвардзейскага атрада. Потым у Чырвонай Арміі. У гады Вялікай Айчыннай вайнв – палкоўнік, камандзір стралковых дывізій. Знаходзіўся ў нямецкім палоне. Памёр у 1974 г.

К. Я. Баўлін.

1896 г. 9(21) лістапада Нарадзіўся Дзмітрый Філімонавіч Прышчэпаў (в. Калодніца Крупскага р-на Мінскай вобл.), дзяржаўны і грамадскі дзеяч БССР. Удзельнік Першай сусветнай і грамадзянскай войнаў. У 1922-1923 гг. старшыня Аршанскага павятовага выканкама. У сакавіку 1924 г. разам з Я.А.Адамовічам падпісаў акт пра далучэнне Віцебскай губерні да БССР. Працаваў наркамам земляробства БССР. Рэпрэсіраваны ў 1930-х гг. Памёр у турэмнай бальніцы 31 студзеня 1940 г. Рэабілітаваны ў 1988 г.

Дз.Ф. Прышчэпаў.

Працягваем публікаваць Храналогію гісторыі Оршы ад гісторыка Віктара Лютынскага: уступ 1552 г. - 1562 г., 1563 г. - 1566 г. Частка 2. 1566- 1587 гг. Частка 3. 1579 г. - 1585 г. Частка 4. 1586 г. - 1595 г., 2 жніўня. Частка 5., 1596 г., люты - Канец XVI ст. Частка 6,