Нядаўна мы пісалі гісторыю Фёдара Маліноўскага, якога расстралялі ў 1937 годзе ў Оршы. Паходзіў Фёдар з сёняшняга Лепельскага раёну і быў арыштаваны па даносе, а потым асуджаны як польскі шпіён. Даследчыкі з ініцыятывы «Кабылякі. Расстраляныя ў Оршы» зацікавіліся гісторыяй гэтага чалавека і яго сям’і. Па сямейных архівах яны змаглі аднавіць не толькі гісторыю чалавека, але і тое як яго родныя спрабавалі даведацца праўду пра свайго бацьку і мужа.

Нават пасля развянчання «культа асобы» і раскрыцця часткі праўды пра рэпрэсіі ў так звану «Хрушчоўскую адлігу» ўсёй праўды пра Маліноўскага сям’іь не распавялі. Сёння мы ўжо ведаем, што Фёдар быў расстраляны 21 снежня 1937 года. Але ў часы Хрушчова на першы запыт сям’і пра лёс зніклага родзіча, ім адказалі, што той памёр ад авітаміноза 19 сакавіка 1943 года. Гэта не выключны выпадак, раней даследчыкі знаходзілі ў сямейных архівах і іншыя фальшывыя даведкі аб смерці на расстраляных. Камусці дзяржава выпісвала хлуслівыя даведкі пра апендыцыт, пра спыненне сэрца і г.д. Маліноўскі па першай версіі памер ад авітаміноза. За страту родзіча дзяржава прапанавала кампенсацыю — 2 месячных аклады на працы забітага.

Толькі ў 1960 годзе сям’я даведалася пра рэальны лёс Фёдара Маліноўскага — вайсковы трыбунал рэабілітаваў расстралянага і ў сувязі з гэтым дзяржава сазналася — мужчына расстраляны па фальшывым абвінавачанні, якія ў тым годзе выпісвалі тысячамі толькі ў нашым рэгіёне.

Цалкам прачытаць артыкул пра дакуманты сям’і Маліноўскіх і пабачыць іх можна тут.