Тыдзень таму тэлеканал АНТ паказаў відэа зубра, які гуляў каля населеных пунктаў Талачынскага раёну. Карэспандэнтам даслалі гэтыя кадры відавочцы. Паводле словаў журналістаў, зубр мог заблукаць і выпадкова выйсці да Талачына, або адмыслова, гуляючы па лясах, выйсці на палі дзе пасоджаныя азімыя.
Падобна, што заблукаўшы (калі заблукаўшы) зубр так і не збіраецца вяртацца ў свае родныя лясы, а магчыма яшчэ і заводзіць сабе сяброў. 2 лістапада дзікую жывёлу ў другой палове дня бачылі ўжо каля вёскі Замошша Талачынскага раёну. Прычым, як гавораць відавочцы зуброў было ўжо два. Нам у рэдакцыю даслалі два фотаздымкі як жывёла гуляе па полі, але ці адзін і той жа гэта звер ці два розных мы сказаць не бярэмся. Аўтары фотаздымкаў сцвярджаюць, што гэта два розных зубры, але якія ішлі адзін ад аднаго на пэўнай адлегласці.
