18:00

+26

5 м/с

995 гПа

21:00

+23

4 м/с

996 гПа

00:00

+18

4 м/с

996 гПа

03:00

+17

4 м/с

995 гПа

06:00

+16

3 м/с

994 гПа

Рэгіён, Грамадства

Балбасаўскія Афоні

25.11.2019 09:40

2376 праглядаў, 3 каментара

З-за нерастаропнасці ЖЭУ № 10 усе выходныя кватэру інтэрнату залівала вадой

Многія памятаюць эпізод з савецкага фільма «Афоня», калі выкліканы на аварыю трубаў сантэхнік перакрыў ваду, але адмовіўся рамантаваць, бо ў яго скончыўся рабочы дзень. У выніку жыхары шматпавярховага дома засталіся без вады.

Здавалася б, такое стаўленне да спажыўцоў камунальных паслугаў павінна было застацца ў мінулым, як і сам Савецкі Саюз, але ж не. У нашую рэдакцыю звярнулася жыхарка балбасаўскага інтэрнату, які знаходзіцца па адрасе вул. Грыцаўца 24.

Але спачатку перадгісторыя. У інтэрнат сям’я нашай чытачкі пераехала не з-за добрага жыцця — маладой сям’і з двума дочкамі проста не было дзе жыць, а здымаць кватэру здавалася надта дорага. Вось і пераехалі ў інтэрнат, спадзяючыся на з’эканомленыя на арэндзе грошы пазней купіць сваё жыллё. Праўда, а4казалася, што і арэнда інтэрнату каштуе не мала, а ўмовы пражывання ў ім проста жудасныя. Самым праблемным месцам аказалася прыбіральня маленькай кватэркі. Тут іржавыя трубы, а пад трубамі можна знайсці, нават, апарышаў. Па самой прыбіральні гуляюць прусакі, а з падвалу летам лезуць блохі.

А тут яшчэ адна непрыемнасць — у пятніцу 22 лістапада з другога паверху (кватэра пра якую ідзе гаворка знаходзіцца на першым паверсе) ў прыбіральню пацякла вада. Вада цякла ад суседкі зверху, якая была на рабоце. Каля двух гадзін дня гаспадыня пазваніла ў службу 115 і пакінула заяўку па сваёй праблеме. Заяўку прынялі, але нават праз гадзіну ніхто для рамонту не прыйшоў. Прайшла яшчэ гадзіна і зноў ніхто не прыйшоў. Толькі пасля 16-ай гадзіны з’явіліся начальнік мясцовага ЖЭУ разам са слесарам. Яны агледзілі праблему і — па словах гаспадыні — нічога не зрабілі, бо... скончыўся рабочы дзень! Адзінае, што прапанавалі камунальшчыкі: перакрыць ваду да панядзелка. Але ж у сям’і дзе двое малых дзяцей, якім трэба і наварыць есці і памыць іх, і напаіць без вады ўсе выходныя пражыць не магчыма. Таму і цякло маленькая струйкай са столі вада.

Па стане на панядзелак 25 лістапада на 9-40 праблема так і не была вырашана: камунальшчыкі да гэтае пары не вярнуліся, а вада так і цячэ.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Балбасаўскія Афоні

З-за нерастаропнасці ЖЭУ № 10 усе выходныя кватэру інтэрнату залівала вадой

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты [email protected]

Пользовательское соглашение