Блогер "Серый кот" яшчэ раз асуджаны за ўдзел у пратэстах. Суд адбыўся на гэты раз у Мінску 6 снежня. Праўда на сам суд Дзмітрый не пайшоў. У яго адсутнасць суд высветліў, што 16 лістапада Дзмітрый з 19-50 да 20-00 прыняў удзел у несанкцыянаваным пікетаванні.
За гэта Казлову рашэннем суда выпісалі яшчэ адзін штраф у памеры 25 базавых велічыняў. Нагадаем, што 2 снежня Дзмітрый быў аштрафаваны аршанскім судом за ўдзел у акцыі пратэсту 12 лістапада. Аршанскі суд даў блогеру 20 базавых велічыняў штрафу.
