Як пазбегнуць пажару і не дапусціць бяды? Асабліва зімой і ў пераднавагодні час, калі павялічваецца рызыка ўзнікнення пажараў. Менавіта такое пытанне стаяла пры працы назіральнай камісіі на тэрыторыі Валяўкоўскага сельсавета. Назіральная камісія працавала з ўразлівай катэгорыяй асоб, домаўладанні якіх з надыходам халадоў найбольш схільныя рызыцы ўзнікнення пажараў, а менавіта — пенсіянеры і асобы, схільныя да ўжывання спіртных напояў, піша сайт МНС. У ходзе правядзення мерапрыемстваў быў выяўлены шэраг парушэнняў, пра што было паказана домаўладальнікам і асобам, якія з імі пражываюць, дадзены канкрэтныя тэрміны ліквідацыі, замацаваны адказныя асобы для кантролю іх ліквідацыі.
Супрацоўнікі МНС заклікаюць усіх выкарыстоўваць толькі спраўныя ацяпляльныя печы і электраабсталяванне.
