У гэтым годзе зіма ў Оршу прыйшла як па раскладзе - 1-га снежня ў Оршы выпаў першы снег. Але далей нешта пайшло не так. І тыя хто паспеў дастаць з запаснікаў зімовыя шубы цяпер не ведаюць што рабіць. Здаецца зіма на календары, а надвор'е цёплае, як восенню.
Сіноптыкі гавораць, што шубы мы дасталі рана. Трэба зноў вяртацца да восеньскай вопраткі ды яшчэ і распакоўваць парасоны. У бліжэйшыя дні ў Оршы будуць ісці дажджы.
З суботы і, прынасмі, да серады наступнага тыдні кожны дзень у нашым горадзе будзе капаць з неба, а тэмпература вагацца ад +3 да +6 градусаў цяпла. У аўторак і яшчэ больш - тэмпература можа падняцца да +8. Калі так пойдзе і далей, то давядзецца даставаць не толькі парасоны і восеньскія курткі, але купальныя касцюмы.
