Орша, Грамадства

З Новым годам!

31.12.2019 20:20

2552 прагляду, 8 каментароў

2020 актыўна грукаецца на парозе.

2019 год быў насычаным на розныя падзеі, прыемныя і не вельмі. Аднак у святочныя дні людзі лагічна спрабуюць пазбегнуць лішняй згадкі пра непрыемнасці. Значна лепей настройвацца на пазітыў і шукаць тое, у чым мы дамагліся прагрэсу, праклалі новыя шляхі будучага развіцця. Ды і ў канцы 2018 года рэдакцыя Orsha.eu выступала са шчырымі пажаданнямі сваім чытачам. Маем надзею, што большасць нашых верных чытачоў ацэньвае 2019 год як станоўчы, паспяховы для сябе. У 2020 годзе жадаем аршанцам здзяйсняць самыя смелыя мары, умацоўваць свой сямейны быт і любіць родную Беларусь! Будзе шчаслівыя, свабодныя і здаровыя! А наш рэсурс, як і заўсёды, паспрабуе забяспечваць жыхароў Оршы і рэгіёна свежай інфармацыяй пра падзеі ў горадзе. Дзякуй, што вы з намі!