СК РБ паведамляе, 35-гадовы жыхар Віцебска, знаходзячыся ў адной з вёсак Лёзненскага раёна, каля 00.30 гадзін 1 студзеня 2020 г. усталяваў скрынку з феерверкамі (умацаваўшы яе цаглінамі) і падпаліў кнот. У сувязі з затрымкай залпаў салюту мужчына падышоў і нахіліўся, каб паглядзець у чым справа. У гэты момант адбыліся стрэлы феерверка, у выніку чаго мужчына атрымаў цялесныя пашкоджанні. Ён шпіталізаваны.
Следча-аператыўнай групай агледжана месца здарэння, канфіскаваныя неабходныя аб’екты. Апытаныя відавочцы. Прызначана судова-медыцынская экспертыза. Следчыя праводзяць праверку.
