Беларусь, Палітыка

Міністр-зямляк

06.01.2020 07:15

3957 праглядаў, 34 каментара

Новы міністр эканомікі — з Бабінічаў.

Аляксандр Чарвякоў прызначаны новым міністрам эканомікі Рэспублікі Беларусь. Раней Чарвякоў працаваў на пасадзе першага намесніка міністра эканомікі. Пасада міністра заставалася вакантнай пасля прызначэння Дзмітрыя Крутога першым віцэ-прэм’ерам. Аляксандр Віктаравіч Чарвякоў нарадзіўся ў 1966 годзе ў в. Бабінічы Аршанскага раёна Віцебскай вобласці. У 1988 годзе скончыў Беларускую дзяржаўную сельскагаспадарчую акадэмію ў Горках, у 1994 годзе — аспірантуру БДСГА.

У 1988-1991 гадах — інжынер, вядучы інжынер-механік саўгаса-камбіната «Юбілейны» Аршанскага раёна.

З 1991 па 1994 год — вучоба ў аспірантуры БДСГА.

У 1994-2010 гадах — асістэнт, выкладчык, старшы выкладчык, дацэнт, дактарант кафедры механізацыі жывёлагадоўлі і электрыфікацыі сельскагаспадарчай вытворчасці БДСГА.

2010-2017 гады — дырэктар ДНУ «НДЭІ Мінэканомікі Рэспублікі Беларусь».

Са студзеня 2017-га — намеснік міністра эканомікі Беларусі. З лістапада 2018 га — першы намеснік міністра эканомікі.

Кандыдат тэхнічных навук (2002), дацэнт. Аўтар і сааўтар 7 манаграфій, навучальных і даведачных дапаможнікаў, звыш 90 навуковых прац, 4 вынаходак.

Аляксандр Чарвякоў — поўны цёзка вядомага беларускага дзеяча БССР, удзельніка 1-га Усебеларускага З’езду.