13 студзеня ў 18-38 выратавальнікам паступіла паведамленне аб пажары дома па вул. Чырвоная Слабада ў г.Сянно.
Калі прыбыло падраздзяленне МНС у доме было ўсяго толькі нязначнае задымленне. У гэты час ўсярэдзіне жылля знаходзіўся яго 53-гадовы гаспадар. Мужчына пражываў адзін.
Да прыбыцця МНС, сусед, мужчына 1972 года нараджэння убачыўшы дым, які ішоў ад дома, пракраўся ў жыллё, праз адчыненыя дзверы і ўбачыў, што гаспадар ляжыць на ложку, пасля чаго вынес яго на свежае паветра.
Пасля агляду брыгадай хуткай медыцынскай дапамогі выратаваны з атручваннем прадуктамі гарэння шпіталізаваны ва ўстанову аховы здароўя.
У выніку пажару ў пакоі знішчаныя пасцельныя прыналежнасці, закураны сцены, столь і маёмасць.
Па гэтым факце праводзіцца праверка. Прычына пажару высвятляецца. Разглядаецца версія — неасцярожнае абыходжанне з агнём гаспадаром дома. Паведамляе прэс-служба МНС.
