Орша, Здарэнні

Аварыя на Леніна (фота)

23.01.2020 13:00

3703 прагляду, 0 каментароў

Сёння раніцай мужчына збіў жанчыну, якая пераходзіла дарогу па пешаходным пераходзе.

Аварыя адбылася 23 студзеня каля 8 гадзін раніцы паблізу дома 236 па вуліцы Уладзіміра Леніна ў Воршы. Кіроўца 1973 году нараджэння, кіруючы аўтамабілем «Volkswagen Sharan», здзейсніў наезд на пераходзіўшую праезную частку па нерэгуляваным пешаходным пераходзе 70-гадовую мясцовую жыхарку. У выніку ДТЗ пешаход атрымала цялесныя пашкоджанні і была дастаўлена ў ОГБ № 1 ім. Сямашка. Па факце ДТЗ праводзіцца праверка.

Дзяржаўтаінспекцыя нагадвае: у адпаведнасці з п. 116 Правілаў дарожнага руху пры пад’ездзе да пешаходнага перахода, кіроўца павінен рухацца з хуткасцю, якая дазволіць пры неабходнасці саступіць дарогу пешаходам.