Ноччу з аўтамабіля, які знаходзіўся на неахоўнай стаянцы для адпачынку, было выкрадзена дызельнае паліва. Па дадзеным факце ўзбуджаная крымінальная справа па ч.1 арт.205 Крымінальнага кодэкса Рэспублікі Беларусь (крадзеж). Крадзеж адбыўся яшчэ 16 студзеня ў Талачынскім раёне. Выкрадальніка шукаюць, яму пагражае турэмнае зняволенне.
Міліцыя нагадвае, што, калі пакідаеце транспарт у грамадскіх месцах, неабходна памятаць пра бяспеку: на ноч машыну трэба пакідаць у добра асветленым, праглядаемым, людным месцы. Пажадана, каб побач не было пусткі або густой расліннасці. Па магчымасці неабходна паставіць аўтамабіль ўсутыч да сцяны дома або блізка ад іншага аўтамабіля, каб абцяжарыць злачынцу пранікненне ў яго. Пры магчымасці рэкамендуецца набыць і ўсталяваць конуснае вечка на паліўны бак аўтамабіля для недапушчэння крадзяжу паліва.
