Учора мы пісалі, што ў Аршанскім раёне 13 суб’ектаў гаспадарання маюць запазычанасці па выплатах у Фонд сацыяльанй абароны насельніцтва. Пераважна гэта сельскагаспадарчыя прадпрыемствы. Паглядзім якая сітуацыя ў суседніх раёнах.
Так, у Лёзненскім раёне, які па маштабах значна меньшы за Аршанскі тых хто запазычыў не нашмат меньш — ажно 8 прадпрыемстваз. Таксама пераважна сельскагаспадарчага кірунку. У лідарах па запазычанасці тут «Лёзненскі райаграсэрвіс» у іх 146.893,37 рублёў. Нагадаем, што і ў Аршанскім раёне райаграсэрвіс адзін з лідараў па колькасці пазыкі. На другім месцы мясцовы ільнозавод, які набраў 38.207,53 рублі запазычанасці. Далей сельскагаспадарчае прадпрыемства са статусам акцыянернага таварыства «Новая Дубрава-Агра» — 28.750, 59. ААТ «Адаменкі» віннае 12.836,16 рублёў. Астатнія чатыры прадпрыемствы, якія патрапілі ў спіс маючых запазычанасці маюць меньш за 1.000 рублёў кожнае. Гэта: прыватнае прадпрыемства «БелШамот», «Фангорн Груп», філіял «Чкалаўскі», які належыць райаграсэрвісу і прыватнае прадпрыемства «Сэлма і К» — у іх найменьшая запазычанасць у 195 рублёў.
