Абодва гэтыя чалавекі маюць багатую біяграфію. Міхаіл Пастухоў - прафесар, доктар юрыдычных навук, а ў 1990 годзе самы малады суддзя Канстытуцыйнага суда Беларусі. Менавіта ў час яго паўнамоцтваў у Беларусі адбыліся лёсавызначальныя рэферэндумы ў выніку якіх краіна скацілася да аўтакратыі ці - па меркаванні многіх - да поўнай дыктатуры.
Алег Воўчак - былы следчы пракуратуры, былы дэпутат, а пасля знікненне палітыкаў у канцы 1990-х на грамадскіх пачатках менавіта ён распачаў прафесійнае, хоць і без адпаведнага юрыдычнага статусу - грамадскае - расследванне гэтых знікненняў і прыйшоў да высновы, што гаворка ідзе пра палітычныя забойствы.
Абодва чалавекі цікавыя сваёй біяграфіяй, але ў Оршу едуць прэзентаваць платформу прафсаюза РЭП "За годнае жыццё". Гэта спіс тых зменаў, якія хацеў бы атрымаць прафсаюз, які распрацоўваўся ў тым ліку і з удзелам аршанцаў на адмысловых кольных сталах.
Але на сустрэчы выступоўцам можна будзе задаць і іншыя пытанні. Запрашаюцца ўсе ахвотныя. Сустрэча распачнецца ў суботу 29 лютага а 11-00 па адрасе: вул. Камсамольская, д. 16, кв. 4 Уваход вольны.
