Орша, Спорт

Ці адновіцца баскетбол?

08.04.2020 20:38

2603 прагляду, 0 каментароў

Аршанскі «Сяргееў В» саступіў у першым матчы 1/4 фіналу. Але калі ж адбудзецца гульня з адказ?

У чвэрцьфінале Віцебскай абласной непрафесійнай баскетбольнай лігі аршанскі "Сяргееў В" гуляе супраць віцебскага "Скарпіёна". У першай сустрэчы, што адбылася ў Віцебску, "сяргееўцы" саступілі 75:96. Цяпер неабходна адгуляць адставанне "-21" у гульні ў адказ, якая пройдзе ўжо ў Оршы. Але калі адбудзецца матч — невядома. Увесь чэмпіянат ВітАНБЛ, які ўвайшоў у вырашальную стадыю, быў спынены яшчэ ў сярэдзіне сакавіка, усе паядынкі адклалі да 10 красавіка. Аднак цяпер існуе верагоднасць далейшага адкладання, бо санітарна-эпідэміялагічная сітуацыя з таго часу стала толькі горшай, а Віцебская вобласць ужо пацярпела ад каранавірусу. Заражаныя ёсць як у Віцебску, так і ў Оршы. Пакуль ліга не давала інфармацыі, ці адновяцца гульні 10 красавіка.