Некалькі дзён таму наш сайт паведамляў, што пад Лепелем вайскоўцы распачалі будаўніцтва комплекса з вайсковых палатак. Па нашай інфармацыі, тут быў узведзены гэткі палявы шпіталь на выпадак калі эпідэмія каранавіруса выйдзе з-пад кантролю. Гэтую інфармацыю афіцыйна не падцверджвалі.
Нарэшце 10 красавіка для «Радыё Свабоды» сітуацыю з палатачнымі гарадкамі пракаментавала афіцыйная прадстаўніца (так у нас у некаторых ведамствах называюць прэс-сакратароў) Мінабароны Наталля Гаўрусік. Супрацоўніца міністэрства падцвердзела ўзвядзенне палатачнага гарадка пад Лепель, а таксама каля Віцебска і Барысава. Праўда, па яе словах, гаворка не ідзе пра стварэнне палявых шпіталёў у якія будуць змяшчаць цывільных грамадзян. Такім чынам вайскоўцы патрэніраваліся рабіць «абсталяваныя вайсковымі спэцыялістамі раёны ізаляцыі». палаткі ўзводзіліся для таго, каб эпідэміялагічная служба войска патрэніравалася ўзводзіць такія ізалятары. Больш за тое — па словах Гаўрусік — палатачны гарадок пад Лепель ужо быў разабраны, а гарадкі пад Барысавам і Віцебскам застаюцца. Відавочна, што яны стаяць без пацыэнтаў.
