10 красавіка падчас праверкі аператыўнай інфармацыі дома ў вяскоўца з вёскі Лужкі праваахоўнікі выявілі тры металічныя бочкі аб’ёмам 200 літраў кожная. У іх знаходзілася брага. Быў знойдзены і ўжо гатовы самагон у колькасці 60 літраў, які быў разліты па пластыкавых бутэльках. Акрамя гэтага, за шафай міліцыянтамі была знойдзена незарэгістраваная паляўнічая двухствольная стрэльба «ТОЗ» з патранташамі, напоўненым патронамі.
Па словах мужчыны, яна дасталася яму пасля смерці дзеда, а самагон і брагу ён рыхтаваў для асабістых патрэб і ў якасці разліку за выкананыя сельскагаспадарчыя работы. Зрэшты, у праваахоўнікаў ёсць падставы меркаваць, што самагонка прызначалася для шырокай рэалізацыі сярод мясцовых жыхароў. Алкагольная прадукцыя і зброя канфіскаваныя, прызначаныя адпаведныя экспертызы, праводзіцца праверка. Інфармацыя, фота і відэа-УУС Віцебскага аблвыканкама.
