Аматары дадзенага віду спорту чакалі аршанскіх гонак з нецярпеннем, бо на іх у праграме былі захапляльныя супрацьстаянні старых супернікаў.
Для вызначэння пераможцы неабходна было правесці па два заезды ў кожнай катэгорыі. У класе "50 куб.см." перамог мінчанін Кірыл Кадоркін, які выйграў абодва заезды. Двойчы яму саступіў Алег Махноў з Ваўкавыску. Бронзу заваяваў Арсеній Строганаў са Смаленску, які па дадатковых паказчыках абышоў прадстаўніка Мінска Станіслава Кашляка. Аршанец Назар Сапежынскі стаў 8-м.
Клас 85 куб.см. завяршыўся вікторыяй магіляўчаніна Сяргея Кулажэнкі. Дзмітрый Кураў з Гародні быў 2-м, а Вальтэрс Логінс з Латвіі стаў 3-м. Оршу ў гэтым класе ніхто не прадстаўляў.
Катэгорыя 125 куб.см. сабрала 25 спартоўцаў - значна больш, чым у "малалітражак". Прыемна адзначыць, што Аляксандр Сазанавец з Оршы выйграў абодва заезды і, адпаведна, быў лепшым у агульным заліку. Уладзіслаў Махноў - яшчэ адзін з "ваўкавыскай" дынастыі стаў 2-м, а замкнуў тройку Антон Пазнякоў з Мінску. У дадзенай катэгорыі выступалі яшчэ двое аршанцаў - Павел Саковіч быў 4-м, Дзмітрый Цеплякоў 20-м.
Клас "Open" (500 куб.см.) застаўся за Яўгенам Тылецкім. мінчанін выйграў абодва заезды. Арцём Кунцэвіч з Баранавічаў быў 2-м, 3-м на п'едэстал узняўся Павел Бычкоў з Мінску. Аршанец Аляксандр Чапурнікаў на старт не выйшаў.
У класе "Хобі" тройка лідараў не змянялася цягам абодвух заездаў. Аляксандр Гіруць з Ашмянаў быў 1-м, 2-е месца займаў Яніс Шырокаў з Латвіі, 3-е Майк Фогель з Нямеччыны. Былі тут і трое аршанцаў: Аляксандр Агаценка стаў 8-м, Сяргей Дземчанка 12-м, Уладзімір Дземчанка 19-м.
У класе "Матацыклы з каляскамі" аршанцаў не было. Тут спартоўцы спаборнічаюць па парах. Вядомыя браты Анжэй і Вітас Рачка з Літвы перамаглі. Другое месца дасталося Модрысу Штэле і Артурсу Лінтэрсу з Латвіі. 3-е месца занялі беларусы Андрэй Куц і Ўладзімір Бакурэвіч.
