Тыя хто сутыкаўся з палітычна-судовай сістмай Беларусі ведаюць, што калі паступіў загад "зачыніць" якога-небудзь актывіста, то не дапамогуць ні адвакат, ні сведкі, ні, нават. сама невінаватасць затрыманага. Але нешта пайшло не так у дадзеным выпадку.
Міхаіла Чамураку на гэты раз затрымалі разам з братам 29 верасня, калі яны ўдваёх рамантавалі дах. Спачатку прэтэнзіі выклікаў аўтамабіль Міхаіла, маўляў, у яго могуць быць перабітыя нумары. Аўтамабіль звезлі на штрафстаянку, але ў ім засталіся патрэбныя для рамонту грузы. Па згодзе з міліцыянтамі Міхаіл з родзічамі пачалі разгруаць аўтамабіль проста на штрафстаянцы - Чамурака жыве не далёка ад міліцыі. Вось пад час такой разгрузкі ён і быў затрыманы разам з братам. Абвінавачанне - супраціў міліцыі, бццам Міхаіл ругаўся ў бок міліцыянтаў.
Двое сутак браты праседзілі ў Аршанскім ІЧУ, што звычайна азначае, што суд выдасць "суткі", іначай дзяржава мусіць заплаціць кампенсацыю за па-за судовае зняволенне.
Але суд апраўдаў абодвух.
Такое ў гэтым годзе было толькі адзін раз у Віцебску, калі суд апраўдаў журналіста Дзмітрыя Казакевіча і другі прэцэндэнт адбыўся цяпер у Оршы.
