Раней такое выкарыстоўвалася ў Оршы ў 2020 годзе - чалавека затрымліваюць, даюць "суткі", а бліжэй да вызвалення зноў вязуць у суд і дадаюць новыя суткі. Гэта дае магчымасць сілавікам трымаць чалавека ў зняволенні доўга, пры гэтым не распачынаючы крымінальнай справы.
Пад такую практыку ў мінулым месяцы патрапіў машыніст аршанскага лакаматыўнага дэпо Юрый Жук. Першы раз яго асудзіла суддзя Юлія Вяршыніна 18 кастрычніка, другі раз Мікалай Драгуноў асудзіў машыніста 25 кастрычніка. А на днях 13 лістапада адбыўся новы суд і зноў суддзёй была Юлія Вяршыніна. Усе тры разы Юрыя судзілі па адным і тым жа артыкуле - распаўсюд экстрэмісцкай прадукцыі. Сумніўна, што пад час зняволення Юрый мог нешта распаўсюдзіць. Відавочна, што гаворка ідзе пра спецыфічную трактоўку закона.
