Яшчэ 12 лістапада мінулага году аршанка 1972 года нараджэння дамовілася з індывідуальным прадпрымальнікам на рамонт ноўтбука. Той грошы ўзяў, але справа з рамонтам доўгі час не рухалася. У выніку, 29 траўня гэтага году жанчына звярнулася ў міліцыю. На сёняшні дзень на прадпрымальніка 1982 года нараджэння заведзена крымінальная справа. Сума якой завалодаў прадпрымальнік - 1 мільён рублёў.
А ў Сянно да міліцыі звярнуўся мясцовы жыхар 1961 года нараджэння. Па яго словах у перыяд з 1 па 30 мая з яго кватэры зніклі 3 іконы і падсвешнік. У гэты перыяд ён здаваў кватэру мужчыне 1985 года нараджэння. Арэндатар і стаў асноўным падазраваным. Заведзена крымінальная справа. Частка скрадзенага вернута.
