"Цудоўная крама" ў Оршы ўсё яшчэ не можа працаваць па сваім раскладзе, бо амаль кожны дзень ці міліцыянты прыязжаюць у краму, ці міліцыя выклікае ўладальніка крамы да сябе. Сёння міліцыянты прыйшлі ў краму каля 17 гадзіны. Яны ўручылі павестку з'явіцца ў міліцыю. І... правялі вобшук дома ў Ігара Казмерчака.
Цікавіць міліцыянтаў не толькі праца крамы нацыянальнай атрыбутыкі, але і фінансавы стан нашага сайта - уладальнікам якога таксама з'яўляецца Ігар Казмерчак. Значная частка папярэдніх допытаў тычылася таго колькі, як і хто плоціць за рэкламу на сайце.
Тым не меньш, хаця і з перабоямі "Цудоўная крама" сёння працуе ў звычайным рэжыме: з 11-00 да 19-00 акрамя панядзелка і знаходзіцца па адрасе Молакава, 5, другі паверх.
