Рэгіён, Здарэнні

Выпадковая атака на міліцыю (відэа)

24.10.2020 21:37

3528 праглядаў, 0 каментароў

У Талачыне пабілі міліцэйскую машыну дэпартамента «Ахова»

Па сёняшніх часах гэты выпадак выглядае даволі кур’ёзным. У той час калі з усёй краіны паведамляецца пра атакі на службовы і прыватны транспарт міліцыянтаў, жыхары Талачына атакавалі міліцэйскую машыну выпадкова. Прынамсі пра гэта гаворыць зводка самой міліцыі.

Так атрымалася, што 28-гадовы талачынец у самім райцэнтры ў аўторак ужо з раніцы выпіваў з прыяцелем — што ж бывае такое. Выпівалі дома і таму аніякіх непрыемнасцяў не чакалі. Калі версія прэс-службы МУС правільная, то гаспадар кватэры пад градусам чамусці вырашыў выкінуць з кватэры кубачак — і такое таксама бывае. Але ў гэты самы момант пад вокнамі кватэры стаяла машына міліцэйскай «Аховы», якая прыехала да суседзяў, бо ў іх спрацавала сігналізацыя. Кубак патрапіў не проста ў машыну, а ў задняе бакавое шкло, якое ад посуду пабілася.

Што здарылася міліцыянтам паказаў відэарэгісратар службовай машыны. Камера была роўненька накіраваная на тое самае шкло, але зачапіла і вакно з якога ляцеў той самы кубак. выпіваўшых затрымалі, абодва з іх падцвердзілі — пашкоджанне машыны нанеслі выпадкова і ў машыну не цэлілі. Праўда адзін з мужчынаў паказанні на камеру дае ў кайданах.