Трагедыя здарылася 24 траўня 2011 года на Аршанскім мясакансервавых камбінаце. Чацвёра рабочых загінулі пры выкананні агнявых работ. Абвінавачанні датычыліся галоўнага інжынера прадпрыемства, галоўнага механіка і майстра камбіната. Яны не прызналі сваёй віны, але былі асуджаныя па частцы 3 артыкулу 304 Крымінальнага Кодэксу Беларусі.
Яны прызнаныя вінаватымі ў парушэнні правілаў пажарнай бяспекі, якія па неасцярожнасці пацягнулі ўзнікненне пажару і гібель людзей, прычыненне шкоды ў буйным памеры. Галоўны інжынер мясакамбінату атрымаў 5 гадоў турэмнага зняволення, галоўны механік прысуджаны да 4 гадоў, майстар да 3 гадоў пазбаўлення волі ў выпраўленчай калоніі ва ўмовах пасялення.
Кожны з асуджаных на 5 гадоў пазбаўлены магчымасці займаць кіроўчыя пасады. З вінаватых у долевым парадку спагнаная шкода, якую яны прычынілі прадпрыемству, а з камбіната спагнаныя 50 мільёнаў рублёў як матэрыяльная і маральная кампенсацыя сваякам загінулых.
