Па ўсёй краіне працягваюцца палітычныя пратэсты, хаця ў Оршы масавыя акцыі спыніліся ў верасні, але пасля забойства Рамана Бандарэнка зноў аднавіліся ў не вельмі шматлюдных акцыях. У Мінску акцыі ўжо другі тыдзень праходзяць без адзінага месца - па дварах і раёнах. Аказалася, што для Оршы такі фармат пратэстаў таксама зручны. У суботу вечарам у Оршы зноў прайшла акцыя пратэсту. Акцыя не анансавалася гучна і праходзіла таксама ў фармаце раённай. Фотаздымкі, якія мы знайшлі ў сеціве не паказваюць рэальную колькасць удзельнікаў акцыі, але можна лічыць, што гэта пры самым максімуме 1-2 дзясяткі чалавек.
А раніцай 6 снежня ў адным з раёнаў гораду на дрэвах з'явіўся бел-чырвона-белы сцяг.
