Дзяніс Філарэтавіч Васільеў, рускі па нацыянальнасці нарадзіўся ў 1899 г. у вёсцы Рытань Азальмуйскай воласці ў Латвіі. Да кастрычніцкага перавароту працаваў бетоншчыкам. У лістападзе 1917 года быў прызваны ў армію і быў залічаны ў 6-й латышскі стралковы полк. У той час латышскія стралкі былі надзейнай апорай савецкай улады. У Рабоча-сялянскай Чырвонай арміі праслужыў да лістапада 1922 гады. Гісторыю яго жыцця і трагічнай смерці апісвае сайт ініцыятывы "Кабылякі. Расстраляныя ў Оршы".
Годам раней па Рыжскай дамове родная вёска Дзяніса Філарэтавіча Рытань ў сувязі з усталяваннем дзяржмяжы адышла Латвіі. На адрэзанай тэрыторыі апынуліся бацькі Філарэт Васільевіч і Таццяна Арсенцьеўна і дзве сястры Яфімія і Ганна.
З часам Дзяніс Васільеў асеў у Оршы, дзе ўладкаваўся на мясакамбінат. Абзавёўся сям'ёй. Разам з жонкай Бліновай Кацярынай Фёдараўнай, яе маці Матронай Уладзіміраўнай пражываў у пасёлку мясакамбіната. Асвоіў прафесію тэхнолага-мясніка і, нягледзячы на няскончаную сярэднюю адукацыю, даслужыўся да дырэктарскага крэсла. У 1935-м у пары нарадзілася дачка Галіна, а праз год - сын Юрый.
Але 1937-м у дом Васільевых прыйшла бяда. Дзяніса Філарэтавіча выключылі з шэрагаў ВКП (б), а 27 ліпеня 1937 года яго арыштаваў Аршанскі РА НКУС. Арыштанта кінулі ў Аршанскую турму. Калі верыць дакументам, тут ён правёў больш за год.
Працяг гісторыі можна прачытаць на сайце ініцыятывы. На фотаздымку — сын дырэктара мясакамбіната ў Кабыляках, дзе, меркавана, быў расстраляны ягоны бацька.
