"Эпідэмія" аварый на цеплатрасах працягвае захлістваць Аршаншчыну. Чарговая бяда адбылася 8 лютага ў 7-40, у гэты час ратавальнікам афіцыйна паступіла паведамленне аб тым, што ў выніку прарыву трубы халоднага водазабеспячэння Ǿ 150 мм па 2-м Больнічным завулку, дом 1 адбылося адключэнне 15 жылых дамоў ад сістэмы халоднай вады. Вада адсутнічала больш за восем гадзін, пакуль у 18-35 водазабеспячэнне не ўзнавілі ў поўным аб'ёме.
Папярэдні прарыў адбыўся 6 лютага на Наватрактарнай вуліцы. А ў цэлым аварыі за студзень-люты закранулі ў рознай ступені ўсе раёны горада, асобным кварталам не пашчасціла адразу некалькі разоў. Аварыйныя службы стараюцца выправіць сітуацыю як мага хутчэй.
