Орша, Палітыка

Месяц за графіці

25.02.2021 13:38

2659 праглядаў, 0 каментароў

Аршанец асуджаны за пратэстныя графіці

Да рэальнага, але кароткага тэрміну прыгаварылі Міхаіла Беркаса, які абвінавачваўся ў нанясенні пратэстных графіці ў раёне Заходняй. Раней ён быў затрыманы і ўтрымліваўся некалькі сутак у зняволенні, у той час ужо была распачатая крымінальная справа пра графіці. І Міхаіл, які быў спачатку сведкам хутка перайшоў у разрад падазраваных, бо сам і сазнаўся ў тым прад’яўленых абвінавачаннях. У выніку суд, пасля некалькідзённага перапынку абвесціў рашэнне: 1 месяц рэальнага зняволення.

Сёння 25-га лютага ў Оршы праходзіць яшчэ адзін палітычнаматываваны суд. Хлопца судзяць за абразу міліцыянта пад час жнівеньскіх падзеяў. Цікава, што «абраза» адбылася ў закрытым рабочым чаце адной з кампаніяў, але і гэта палічылі публічнай знявагай.