На мінулым тыдні аршанцы ўжо адчулі пацяпленне, адчулі вясновае сонейка і пачалі пераапранацца ў вясновую вопратку. Як гавораць сіноптыкі, паспяшаліся. Кожны дзень тэмпература будзе з ночы стартаваць ад нуля градусаў і потым не значна прагравацца. Найбольш цёпла прагназуецца ў аўторак калі паветра мусіць прагрэцца да +6 градусаў. А з пятніцы нулявая тэмпература нам стане падавацца яшчэ даволі цёплай. У суботу нас раніцай чакае да мінус сямі градусаў. А ў нядзелю можа стаць яшчэ халадней.
І гэта яшчэ не самая вялікая праблема. З вечара аўторка кожны дзень нас чакаюць ападкі. Пры нулявой тэмпературы гэта будзе дождж, пры большым пахаладанні - снег. А ў пятніцу, суботу і нязелю магчымая завіруха. Адпаведна, зноў можа быць абвешчаны аранжавы ўзровень небяспекі, якім запомнілася гэтая зіма - амаль кожны тыдзень, а то і па два разы на тыдзень у зіму 2020-2021 абвяшчаўся гэты ўзровень небяспекі.
