Дзмірый Казлоў больш вядомы як блогер "Шэры кот" яшчэ да выбараў патрапіў за краты. Але да гэтае пары ідзе следства, якое спрабуе яго абвінаваціць. раней ён ужо казаў, што следчага амаль не бачыць. Пры гэтым, лісты да Зміцера даходзяць рэдка - адміністрацыя "Валадаркі" не перадае лісты ні яму, ні ад яго. Гэта правабаронцы лічаць асобным відам катаванняў. Тым не меньш, зрэдку лісты прарываюць забароны. Так, 24 сакавіка прыйшоў ліст №16 ад Казлова да Паліны Сцепаненка.
З важнага, што Зміцер змог напісаць у лісце: яму далі яго крымінальную справу для азнаямлення. Справа атрымалася вялікая, у дзень яму перадаюць па 3 тамы. Адпаведна, адносна хутка справа будзе перададзена ў пракуратуру і потым у суд. Сам Зміцер не чакае, што суд распачнецца не раней траўня. "Цікава як яны будуць даказваць нашую віну" - піша Казлоў у лісце.
Цалкам прачытаць ліст можна тут.
нагадем, што любы чалавек можа напісаць ліст да першага аршанскага палітвязня. Нават калі яму не перадаюць лісты своечасова, сама колькасць іх уплывае на стаўленне да зняволеных з боку адміністрацыі. Адрас для допісаў: СІЗО-1. Вул. Валадарскага, 2, г. Мінск 220030 Казлову Дзмітрыю Алегавічу.
