Орша, Здарэнні

Смерць міліцыянта падцвердзілі

21.04.2021 20:36

11760 праглядаў, 0 каментароў

Пакуль гэта падобна на самазабойства, але афіцыйная інфармацыя вельмі кароткая.

Цэлы дзень сёння паступаюць чуткі, што ў РАУС на сваім рабочым месцы застрэліўся міліцыянт. Толькі пад вечар інфармацыя была афіцыйна падцверджана, але БЕЛТА і іншыя дзяржаўныя СМІ толькі каротка паведамляюць пра сам факт здарэння: Следчы камітэт праводзіць праверку па факту гібелі супрацоўніка Аршанскага РАУС, цела якога знойдзена ў службовым кабінеце. Больш аніякай інфармацыі не даецца.

Наколькі нам вядома, здарэнне адбылося каля 12-00 21 красавіка. Стрэл адразу не пачулі. Пазней цела супрацоўніка знайшоў яго памочнік. Па пакуль не падцверджанай інфармацыі, загінуў Руслан Кавальчук — начальнік раённага наркакантролю. Ён прапрацаваў у міліцыі каля 20 год.

Пакуль уся інфармацыя якая паступае да нас, гаворыць пра самазабойства. Хаця нейкіх яўных прычынаў для гэтага ніхто назваць не можа.